Paralela Universo

Dankon pro via partopreno – ĝis la venonta jaro!

Paralela Universo

Somera tago en Montrealo

Dato: Sabato, la 19a de aŭgusto

Aliĝu al la Facebook-evento! Ne estas devige aliĝi pere de Facebook. Tamen ni kuraĝigas vin tion fari, ĉar estos la plej facile uzebla kanalo por komuniki pri la renkontiĝo.

Bienvenue! Welcome! Bonvenon al la dua Paralela Universo —
unutaga Esperanto-evento, kiu okazos en diversaj urboj en Nordameriko. La ideo estas ebligi esperantlingvan kunparoladon persone kaj amikiĝon inter partoprenantoj, kaj krei agrablajn memorojn.

Ni renkontiĝos en Palais des Congrès, apud la restoracio Terra Verde, metroo Place d’Armes. (do, en la konstruaĵo de la kongresejo mem) sabaton, la 19-an de aŭgusto, je la 12:00. Ni mallonge promenetos en la kongrescentro kaj fotiĝos apud la famaj rozkoloraj arboj kaj la multkoloraj vitraloj. Tiam se ne pluvos, ni iros pikniki sur la bordo de la Riverego en la malnova haveno. Se pluvos, ni manĝos en iu restoracio apud la kongrescentro. Poste ni iros viziti la faman preĝejon Notre-Dame. Ĝi estas nacia historia monumento kaj vere mirinde bela loko — laŭ Trip Advisor, ĝi estas la unua turista allogaĵo en Montrealo (kostos $6 por persono por eniri, kaj se ni bonŝancos, ni eĉ ricevos mallongan ekskurson france aŭ angle tie, sen aldona kosto). Poste ni iros promeni en la haveno, kaj tiuj kiuj ŝatas aventurojn supreniros sur la Horloĝturegon (senpage! sed estu preta por 192 ŝtupoj!). Se ne pluvos, ni ankaŭ poste promenos en la malnova haveno kaj la malnova urbo, kaj se pluvos, ni faros iun plian muzeecan aktivaĵon. Poste ni kune vespermanĝos (povas esti en la Ĉina Kvartalo, sed ne nepre — viaj ideoj bonvenas!)

Kion alporti: se ne pluvos, alportu iun manĝaĵon aŭ trinkaĵon por dividi. Mi alportos piknikajn manĝilojn/telerojn kaj buŝtuketojn, ktp. Portu ombrelon, por ajna okazo! Komencantoj bonvenegas!

Se vi malfruas aŭ perdiĝas, telefonu aŭ tekstu al Ĵenja Amis: 438-988-4078 aŭ mesaĝu per FB aŭ Telegram. Pli da detaloj pri Paralela Universo ĉe https://paralelauniverso.com/.

Comments are closed