Esperanto-Societo Kebekia (ESK) estis fondita en 1982. Ĝiaj ĉefaj celoj estas diskonigi la internacian lingvon en Kebekio, stimuli ĝian uzadon, kaj organizi aktivaĵojn kaj kursojn.
La flago, unu el la plej konoataj simboloj de Esperanto
Krom ĉiumonataj renkontiĝoj en Montreala Esperanto-Domo, ESK ankaŭ organizas aŭ kunorganizas aliajn eventojn. Kun aliaj kluboj de Ontario kaj de Nord-Orienta Usono, ĉiujare ĝi invitas esperantistojn je Aŭtuna Renkontiĝo de Esperanto(ARE) apud la lago George en la Novjorkia ŝtato. ESK publikigas gazeton kaj okazigas kursojn laŭbezone. Ni do invitas vin esplori nian retejon, kaj ne hezitu kontakti nin por scii pli pri niaj aktivaĵoj!
