Montrealo, la 20an de decembro 2000 Kara Antoine, Mi esperas, ke vi havos plezuron dum la ferioj. Vi anoncis al mi, ke vi planis iri en Italion dum kelkaj tagoj. Mi deziras al vi tre bonan vojaĝon kaj mi esperas, ke vi sendos al mi fotojn de tiu aventuro! Ĉu vi iros al Romo? Kun kiu vi iros? Hieraŭ, mi finis la ekzamenojn de la unua parto de la lernojaro. Mi kredas, ke mi sukcesos. Vi certe memoras, kial mi volas sukcesi en miaj kursoj... Mia patro promesis, ke li pagos al mi vojaĝon al Francio, ĉe vi, se mi havas almenaŭ 75% en ĉiuj kursoj. Mi multe laboras, ĉar mi vere volas iri viziti vin! Ĝis nun, mi havas ĉirkaŭ 80%. Krom en la kurso pri Historio: mi nenion komprenas. Nia instruisto ne parolas sufiĉe laŭte. Intertempe, mi iros ferii kun miaj gepatroj en la urbo Kebeko, kie vivas mia onklo Marcel. Malfeliĉe, li estas tre malsana. Sed li ĉiam ŝatas vidi nin. Mi amas lin multe. Lastsemajne, mia patro aĉetis komputilon. Tio signifas, ke mi povos sendi leterojn al vi tra la interreto. Mi esperas, ke via familio baldaŭ aĉetos komputilon, ankaŭ. Tiel, ni povos korespondi multe pli rapide. Jen mia adreso: nathalie+demers@esperanto.nu. Amike, |
